January 19, 2018: *** The local economy of Tagbilaran City was infused with almost P5-B in 2017. New business went up from 602 to 1,017 which amounts to an almost P1.2-B worth of capitalization or a 160% increase from last year, while business renewals also went up from 4231 to 4693 which posted gross receipts amounting to almost P3.4-B or a 21% from 2016. ***Gov. Edgar Chatto turns over today the P1.9-M first tranche of the P9.8-M assistance to the Bohol Dairy Producers Association for the Bohol Dairy Milk Processing and Marketing Enterprise as Bohol is poised to be the Dairy Capital of the country.

Search This Blog

Tuesday, December 20, 2016

Cebuano News: Taga HOIT nanghatag pamasko sa Pamilacan

CORTES, Bohol, December 19, 2016 (PIA)—Sadya nga pasko ang dala sa mga trabahante sa House of IT sa Sugbo, dihang gidala sa kompanyang information technology (IT) ug sa mga mahiligon sa arte ang ilang mga pinaskuhan alang sa kabataan sa Pamilacan. 

Atul sa National Volunteer Month sa buwan sa Disyembre, gikurambos usab sa PIA Bohol ang ilang pinaskohan sa mga kabataan sa isla kinsa midawat sa mga duwaan, mga tshirts, mga workshops ug libre nga feeding. 

Niadtong Disyembre17-18, kapin sa 50 ka kabataan nga nagpanuigon sa 3-12 anyos ang misalmot sa mga kalihukan sa HOIT, matud ni Sanie Baugbog, kinsa maoy contact sa grupong naghimo sa outreach activity didto.

Gawas sa tabang pinaskohan ngadto sa kabataan, may nahibilin pa usab nga gamay nga ginansya ang isla sa pagpamalit sa mga bisita, pagbayad sa mga serbisyo ug sa paghimo sa mga tours didto sa isla. 
Ang Pamilacan 18 kilometros gikan sa Baclayon, nahimong sentro sa turismo sa dolphin ug whale watching bisan pa nga may pipila pa ka mga tawo didto ang nagpadayon pa sa pagpamilak, panagat nga dili malungtaron. 

Sa nagpadayon pang kasinati-an sa kalisud nga wala pa hingpit nga mabintog bisan sa turismo, may mga kabataan pa sa Pamilacan nga nanginahanglan sa tabang. 

Nahukman sa House of IT (HOIT) sa Sugbo nga maghimo sa ilang tinuig nga tabang isip kabahin sa ilang corporate social responsibility sa Bohol, ug didto kini sa isla sa Pamilacan. 

Pinaagi sa PIA Bohol, nahukman nga ang kabataan sa Pamilacan ang makadawat sa mga pinaskuhan, samtang didto usab sa isla himoon ang pagpalig-on sa bugkos sa mga trabahante sa HOIT kauban sa ilang mga opisyales. 

Mga duwa, mga arts workshop ug skills enhancement sa kabataan alang sa pagpadayag sa ilang hunahuna ang pipila lamang ka kalihukan nga gihimo didto sa mga kabataan. 

Gawas sa mga duwa ug workshops, may libre pa usab nga salusalo sa kabataan nga tanyag sa mga bisita, ang mga pagkaon gi-andam sa mga ginikanan sa kabataan didto. 

Agi usab og balos sa mga taga Bohol sa HOIT, may libre sila nga Pamilacan dolphin watching tour ug misinati usab sila sa snorkeling sa natumbok nga marine sanctuary sa isla nga barangay. 

Sa ilang nasinati, mapasalamaton si Mithi Juacel Sandalo, opisyal sa HOIT sa nasinati nga Pasko sa Pamilacan. (rac/PIA-7/Bohol)

No comments:

Contact Us

Philippine Information Agency
Bohol Information Center
LMP Building, K of C Drive, Poblacion II, Tagbilaran City
Telephone Numbers (038) 412-2292, 501-8554

Visitors