Media fellowship sa pagtaho

Kabahin sa lumad, a-buksan

GIPANAWAGAN ang mga sakop sa prensa, pinaagi sa Probe Media Foundation, Inc. (PMFI) inabagan sa Kapisanan ng mga Brodkaster ng Pilipinas (KBP), sa Philippine Press Institute (PPI) ug uban sa Embassy of the United States of America sa Manila aron mo-apil sa Media Fellowship kabahin sa pagtaho kabahin sa mga Lumad o Indigenous People.  

Sa usa ka pamahayag, matud sa panaghugpong nga ang programang mahimo ka-apilan mao ang “Kuwentong Katutubo: Spotlight on Indigenous Peoples”.

Ang programa maglakip sa usa ka tuig nga fellowship alang sa manunulat ug photojournalists, bordkaster sa telebisyon ug radio sa tibuok nasud. 

Makuha sa programa ang bansaybansay sa tukmang pagtaho sa mga katungod, hagit, ug mga isyu sa mga lumad uban sa oportunidad mga makahimog hisgutanan sa media kabahin ning mga tema. 

Niini, ang mga sakop sa prensa kinahanglan mopasa sa application form, proposal form ug maghatag sa iyang sample nga trabaho.

Maka-apil lamang kadtong ubos sa 50 anyos, labi nag sakop sa PPI o KBP, ug kapin na sa 2 ka tuig nga nanarbaho diin ang pagpili ibase sa kamaayo sa gisuwat nga topic.

Ang application form ma-download gikan sa www.probefound.com ug ang deadline of application ug kinahanglan mapasa sa dili pa ang December 10, 2010 ngadto sa katutubomedia@probefound.com o ifax sa (632) 433-0456 o sa koryo sa Probe Media Foundation, Inc. tel. (632) 4330456 fax. (632) 4330457 Unit 505 Sterten Place Condominium, 116 Maginhawa Street Teacher's Village East, Quezon City 1101 Philippines.

Sa dugang kasayuran, log on sa http://www.probefound.com. (PIABohol)